Forumi i Gruas së LDK-së e mirëpret kandidaturën e Lutfi Hazirit

Gjilan – Forumi i Gruas së LDK-së në Gjilan e ka mirëpritur kandidaturën e Lutfi Hazirit për kryetar të Gjilanit. Valentina Bunjaku Rexhepi ka thënë se ne jemi të vetëdijshëm për sukseset dhe për të arriturat që ka bërë Lutfi Haziri.

Postimi i plotë i Valentina Bunjaku Rexhepit

Sot u mbajt takimi i radhës i Forumit të Gruas të LDK, unë i njoftova se kandidat për kryetar të Gjilanit do të jetë prapë Kryetari i tanishëm z.Lutfi Haziri. Në Forum ky lajm u mirëprit me admirim sepse ne jemi të vetëdishjme për sukseset dhe të arriturat që ka bërëe kryetari.

Si çdo takim tjetër edhe sot u diskutua për aktivitetet e shumta që po i ndërmerr ky Forum me të vetmin qëllim që të krijohen kushte sa më të mira për femrat Gjilanase, por njëkohësisht dhe një arritje të sukseseve në përgjithësi.

Në këtë takim u diskutua për aktivitetet që janë duke u mbajtur në degët dhe nëndegët që ka Forumi, kërkesat e qytetarëve, hallet e tyre dhe u fol se cilat janë mundësitë tona në përmirësimin e kushteve sa më të mira aty ku ka nevojë.

Me propozimin e anëtareve të Kryesisë së këtij Forumi u krijua lista e Këshilltareve Komunale, ky votim ishte shume unanim dhe konstruktiv nga anëtaret dhe se secila femër që u propozua bartte mbi vete seriozitetin e punës dhe aktiviteteve të tyre.

Kjo listë e jona do të diskutohet edhe nga Kryetari jonë z. L. Haziri, ku ne besojmë se do ta kemi përkrahjen maksimale nga ana e tij.

Forumi i Gruas në Gjilan së bashku me strukturat e saja është promotore e kësaj rruge. Ne shpresojmë që puna jonë do të jetë fryt i fuqishëm në avancimin e femrës dhe të gjithë të tjerëve. Të gjitha Këshilltareve të propozuara u urojmë suksese.

Së bashku drejtë fitores së radhës ka shkruar Valentina Bunjaku Rexhepi./rajonipress/