Ja ndryshimet pozitive nëse konsumoni gjysmë qepe në ditë

Përveç në gastronomi, qepa është e preferuar edhe në mjekësinë popullore, e vetitë e saj shëruese i dinë të gjithë. Është burim i mirë për fibra dietale, vitamina C – i rëndësishëm për imunitet dhe lëkurë të bukur, vitamina B6 – të rëndësishme për krijimin e rruazave të kuqe të gjakut, acid folik, për shtypje normale të gjakut dhe shëndet të zemrës, për inde dhe eshtra.

Ruan shëndetin e enëve të gjakut Qepa është preparat i shkëlqyeshëm për mbrojtje nga mpiksjet e gjakut, pasi që është e pasur me substanca që ndikojnë si antikoagulant.

Të sëmurëve koronarë u preferohet që çdo ditë të konsumojnë qepë, sepse përbërësit e saj parandalojnë grumbullimin e trombociteve dhe përshpejtojnë procesin e shkrirjes së droçkave të gjakut.

Rregullon sheqerin dhe mbron nga diabeti

Mjekësia qëmoti e pranon efektin e qepës në rregullimin e sheqerit, madje edhe atëherë kur përdoret në sasi shumë të vogël në gjellë. Studimet e kanë dëshmuar se konsumimi i shpeshtë i qepës mund të ndërlidhet me nivelin e ulët të glukozës në gjak.

Domethënëse në luftën kundër kancerit Më shumë se 30 substanca kundër kancerit janë zbuluar në qepë. Konsiderohet se zvogëlon rritjen e tumoreve dhe mbron nga radikalet e lira. Sidomos preferohet te kanceri në vezore, i lukthit dhe i prostatës.

(Kosova Sot)