Kthehen edhe 160 shqiptarë

160 shtetasit e riatdhesuar janë nga: 69 shtetas shqiptarë të deportuar nga Gjermania, 31 shtetas janë kthyer nga Franca, si dhe 60 shtetas nga Anglia.

Policia e Shtetit të Shqipërisë ka njoftuar se sot janë kthyer edhe 160 shtetas nga vendet e BE-së, përcjell albinfo.ch.

Siç njofton Policia, 160 shtetasit e riatdhesuar janë nga: 69 shtetas shqiptarë të deportuar nga Gjermania, 31 shtetas janë kthyer nga Franca, si dhe 60 shtetas nga Anglia.

Vetëm gjatë tre muajve të fundit janë riatdhesuar 2559 shtetas shqiptarë të kthyer nga shtete si Franca, Belgjika, Gjermania, Anglia, Italia dhe Greqia, ku 1063 shtetas kanë kërkuar azil dhe 1496 shtetas kanë shkelur afatet e qëndrimit në hapësirën Schengen.

“Policia e Shtetit do të vazhdojë në përputhje të plotë me detyrat që i ngarkon ligji për Policinë e Shtetit, të rrisë dhe të kontrollojë masat e kalimit të shtetasve shqiptarë në të gjitha pikat e kufirit në Republikën e Shqipërisë.

Asnjë shans për të fituar azil në vendet e BE-së, mos shpërdoroni para dhe kohë! Respektoni rregullat e lëvizjes dhe afatet e qëndrimit në hapësirën Schengen”, thuhet në njoftimin e Policisë.

Kthehen edhe 160 shqiptarë