Kuçi: Serbia edhe sonte është në veri

Zëvendëskryeministri i Kosovës, Hajredin Kuçi, ka thënë se institucionet e Kosovës në veri të vendit nuk ka telashe me qytetarët e asaj pjese, por me strukturat e sigurisë së Serbisë, të cilat vazhdojnë të jenë atje por që ato do të zhbëhen sapo të fillojë zbatimi i marrëveshjes së Brukselit.

Ai këto komente i ka bërë sonte gjatë një debati në RTK. duke pohuar se për implementimin e saj Kosova ka garant të fortë në bashkësinë ndërkombëtare.

“Ne në veri jemi ballafaquar me strukturat e sigurimit serb, me njerëz që kanë marrë paga që kanë emra dhe mbiemra, njerëz që marrin armatim prej Serbisë. Duhet ta pranojmë edhe një fakt. Ne kem luftu, kemi përdorur të gjitha metodat, e kem hjek Serbinë. Po e them figurativisht edhe në kuptimin ‘de facto’ deri te lumi Ibër, matanë na pat mbet ende. Edhe sonte është ende, në kuptimin me struktura të veta, me njerëz. Ku dialog mjafton. Serbia t’ mos veproj më , të mos i financoj ata. Bashkësia ndërkombëtare ta rris gatishmërinë dhe ne punojmë me qytetarë serb atje që t’i integrojmë”, ka thënë Kuçi.