Çitaku: Mos luani, implementojeni marrëveshjen

Ministres së Integrimeve Europiane, Vlora Çitaku nuk po i pritet që marrëveshja Kosovë- Serbi të implementohet. Përderisa palët ende nuk kanë dhënë inicialet e tyre në dokumentin që siguron zbatimin e marrëveshjes së arritur në raundin e fundit të dialogut për normalizimin e marrëdhënieve, ajo i ka kërkuar lidershipit serb që të mos bëjë lojëra më.

“Politikanët në Beograd do të duhej t’i ndalin lojërat! Ata e dinë shumë mirë që ne tashmë kemi arrit marrëveshje! Ajo është e nënshkruar! Tani implementimin!”, ka shkruar ajo në gjuhën angleze në rrjetin social “Twitter”, transmeton Express.

Kryeministri Hashim Thaçi dhe Ivica Daçiç, pritet të takohen sërish këtë muaj në Bruksel për të dhënë nënshkrimet e tyre në dokumentin për implementim të marrëveshjes.

Zyrtarët europianë tashmë kanë ofruar një draft të tij, ku precizohet arritja e secilit pajtim përfshirë edhe themelimin e Asociacionit të Komunave serbe pas mbajtjes së zgjedhjeve lokale në karter komunat veriore të Kosovës si dhe shpërbërja e strukturave paralele të sigurisë serbe atje.

Drafti është pranuar nga pala kosovare përderisa, ajo serbe ka kërkuar më tepër kohë për konsultim.