Asamblistët e Dardanës aprovojnë rregulloren për taksa e gjoba komunale

Gjilan – Këshilltarët komunal të Dardanës kanë aprovuar të plotësuar propozim- vendimin për plotësimin e rregullores komunale për ngarkesa, tarifa, taksa dhe gjoba komunale.

Këshilltarët komunal të Dardanës në seancën e fund9it kanë shqyrtuar raportin e për buxhet dhe financa për periudhën Janar-Mars 2013.

Naser Hashani, Zyrtar kryesor financiar, tha se në total shpenzimet janë të njëjta krahasuar me vitin e kaluar, ndërsa, në këtë vit ka pasur bartje nga shpenzimet që janë bërë nga disa drejtori e që janë diku 7500 euro.

Kurse, shqyrtimi i projekt rregullores për ndarjen e banesave sociale, për këtë pikë në emër të grupit të LDK-së, delegati Jeton Biqkaj, propozoj që nënat që janë nën përkujdesjen e fëmijëve t’i shtohet edhe nga një pikë, personave të zhdukur ose të vrarë gjatë luftës t’i shtohet një pikë dhe për familjet e dëshmorëve t’i shtohet edhe një pikë.

Gjatë kësaj seance u miratua edhe bashkëpunimi me komunën Gursu të Turqisë, shqyrtimi i kërkesave të qytetarëve të Rubocit dhe Dajkocit për tu pavarësuar nga Këshilli Lokal Qendra përkatësisht Muçivërci dhe për të formuar këshillat e tyre lokale, shqyrtimi i Propozim-Vendimit për formimin e Zyrës Komunale për Diasporën.

Ndërkaq, propozim – vendimin për plotësimin e rregullores komunale për ngarkesa, tarifa, taksa dhe gjoba komunale me shumicë votash është miratuar nga këshilltarët komunal./rajonipress/