Pensionistët e Gjilanit sërish e zgjedhin Januz Eminin për kryetar

Gjilan – Në Kuvendin Zgjedhor të Organizatës Komunale të Pensionistëve dhe Invalidëve të Punës (OKPIP) , delegatët e këtij Kuvendi e kanë zgjedhur edhe për një mandat për kryetar Januz Eminin dhe sekretar Ilaz Kryeziun.

Delegatët e Kuvendit zgjedhor të OKPIP pasi kanë aprovuar raportin e punës dhe pasi kanë folur mbi problemet dhe sfidat që kanë pasur pensionistët gjilanas, me shumicë votash edhe për një mandat e kanë zgjedhur Januz Eminin për kryetar dhe Ilaz Kryeizun për sekretar.

Kuvendin e pensionistëve e ka përshëndetur edhe Qemajl Mustafa i cili tha se pensionistët gëzojnë mbështetjen e institucioneve komunale dhe me mundësit e tona jemi përpjekur që t`i dalim në ndihmë kësaj kategorie tha Mustafa.

Mustafa tha se pensionistët realisht kanë merituar më shumë sepse falë kontributit të tyre ne jemi sot edhe më të fuqishëm edhe si shtet edhe si shoqëri.

Ndërkaq Januz Emini kryetar i Pensionistëve gjilanas tha se për këto katër vite të një mandati kanë pasur sfida të shumta.”Ne jemi përpjekur që të krijojmë kushte për 2029 pensionist, invalidë dhe familjar.

Emini tha se në kuadër të aktiviteteve të shumta janë organizuar edhe vizita në Shqipëri, pastaj pushime në Durrës e Velipojë si dhe në mënyrë të organizuar pensionistët kanë vizituar komplekset e rëndësishme historike.

Emini ka falënderuar për përkrahje e mbështetje Qemajl Mustafën dhe strukturat tjera komunale. Megjithatë Emini tha se përkundër përkrahjes institucionale në nivel lokal, në nivel qendror kjo shtresë ende nuk e gëzon përkrahjen e duhur.

Ndryshe Januz Emini i zgjedhur edhe për një mandat tha se do të vazhdojë të lobojë për interesat e pensionistëve duke kërkuar më shumë përmirësim të kushteve për ta.

Ndryshe në OKPIP ka të regjistruar edhe 19 serb, 8 turq, 9 rom dhe 21 boshnjak./rajonipress/