Haradinaj: Historinë s’mund të na ndryshojë as Zoti

Debati i nisur pas kërkesës së Turqisë për ndryshimin e teksteve shkollore, është shtrirë edhe në nivelin e lartë politik. Të mërkurën, në të është përfshirë edhe kreu i Aleancës për Ardhmërinë e Kosovës, Ramush Haradinaj.

Në fakt, ai është obliguar nga studentët e Universitetit të Prishtinës, për ta shprehur qëndrimin personal për këtë çështje. Dhe, kreu i AAK-së është shprehur haptas kundër ndryshimeve.

Ai ka thënë se askush nga jashtë nuk mund të ndërhyjë në historinë e një populli. “Unë s’jam, që kurrë, askush edhe Zoti në koftë që prej atje me ardhë neve me na ndërrua gjërat tona. Sot e ndërrojmë për njërin, nesër për tjetrin, e nuk dihet më se çka mbesim. Ne jemi ky populli që jemi. Jemi këta njerëz që jemi. E kemi këtë histori dhe ndryshimet nuk duhet me i lejuar”, ka thënë Haradinaj (Tribuna).