Interpretimin e marrëveshjes e bën BE-ja

Sa herë që palët të japin interpretime të dyfishta të tekstit 15-pikësh të marrëveshjes mes Kosovës e Serbisë, të nënshkruar nga të dy kryeministrat, pala kosovare do të kërkojë interpretimin e BE-së si palë ndërmjetësuese.

Kjo është edhe garancia që e bën zv/kryeministrin e Kosovës Hajredin Kuçi të jetë i bindur se Serbia nuk do t`i interpretojë tri-katër pika të marrëveshjes sipas dëshirës së vet.

Këtë garanci ai e ka edhe për pikën që thotë se asociacioni do të ketë garancitë në bazë të ligjit kushtetues. Kosova nuk e ka kategorinë “ligji kushtetues”, derisa Serbia që e ka këtë kategori, po përgatitet që ta nxjerrë një të tillë. Me të do t`i mundësonte asociacionit që të funksionojë brenda institucioneve të Kosovës pa e njohur Kushtetutën e shtetit.

Në një intervistë për “Tribunën”, janë analizuar një nga një të gjitha pikat e marrëveshjes si dhe bisedimet e garancitë që palët kanë marrë jashtë saj. Kuçi ka folur edhe për çështjen e FSK-së (Tribuna).