Dëshmorët e Rahovicës së Gollakut

Nga Demir Krasniqi

Mbi Gollak shkrepë rrezja e diellit –
Plot Lulëkuqe n’ muaj të Prillit !
Janë Lulëkuqet e Lirisë –
Dritë e jetë e gjithë Malësisë !

Kalojmë lugje e bregore ,
Me mall n’ zemër , lule kurore …
Në shënim të përvjetorëve –
N’ përkujtim ju shkojnë dëshmorëve !

Bijë e bija prej Kamenicës –
Drejt Strezocit e Rahovicës …
Drejt Leshtarit e Gregjenikut –
T’ kujtojnë krimet e armikut !

Kujtojnë dhunën mbi shqiptarët –
Që ushtruan serbo – barbarët !
Shpërnguljet prej trojeve t’ veta ,
Shtëpitë e djegura mbetën t’ shkreta !…

Qëndresëtarët e triumfit –
Arsim e Shemsi Isufit ,
Ramadan Kastrati e Basri Canolli ,
Gjaku i tyre lirinë na e solli !

Ahmet Mehmetin nga Gregjeniku –
N’ prag t’ shtëpisë na e vrau armiku !
Por nuk vdes plaku i Malësisë ,
Se iu bë kurban lirisë !

Vijnë rapsodët me sharki n’ dorë –
T’ këndojnë këngët për dëshmorë !
Gjaku i tyre u derdh si gurrë –
Ranë n’ altar për t’ mos vdekur kurrë !

Gjilan, më 18.04.2013.