Përkujtohen dhe nderohen dëshmorët e të rënët e 11 majit

Kamenicë – Me aktivitete e homazhe janë përkujtuar dëshmorët e të rënët e 11 Majit, Ismajl Ismajli, Asllan Thaçi, Ramadan Latifaj, Mehmet Sabedini, Nevzad Kryeziu po ashtu u nderuan edhe dëshmorët e rënë në betejën e Kosharës Selver e Emin Kryeziu.

Kryetari i komunës me bashkëpunëtorë sot morri pjesë në përkujtim dhe nderim të dëshmorëve të rënë në fshatrat Kopërnicë, Hogosht, Roganë dhe Karaqevë e Poshtme.

Në fjalën e tij kryetari i komunës Begzad Sinani tha se ne sot jemi pranë jush pranë familjeve të juaj për të përkujtuar e nderuar anëtarët e familjeve të juaj që pa të drejtë nuk gjinden në mesin tonë kjo ditë e 11 Majit për komunën tonë dhe për qytetarët njihet si ditë e trisht ku në këtë ditë forcat dhe ushtria paramilitare maltretuan, keqtrajtuan, plaçkitën dhe vranë Ismajl Ismajlin, Asllan Thaçin, Ramadan Latifaj, Mehmet Sabedinaj dhe Nevzad Kryeziu, kryesit e këtyre krimeve fatkeqësisht nuk u hetuan asnjëherë, shoqëria dhe institucionet tona iu dhanë epitetin dëshmor të kombit falë punës dhe veprimtarisë së lavdishme të tyre.

Në këto lokalitete para lapidarëve të dëshmorëve e të rënëve u vendosën kurora lulesh dhe u shfaqën programe kulturore të përgatitura nga Këshillat Organizativ të fshatrave./rajonipress/