Karaqeva pret që Haradinaj ta vizitojë këtë fshat kufitar

Gjilan – Selver Lenjani është i zhgënjyet nga të gjitha qeveritë qendrore të cilat asnjëra deri më tani nuk e kanë vizituar Karaqevën dhe as nuk e kanë sensibilizuar problemin e vijës kufitare. Ramush Haradinaj është shpresa e vetme e këtyre banorëve.

Banorët e Fshatit Karaqevë këtë 100 vjetor e kanë pritur me zemër të thyer dhe me telashe të vjetra. Ata edhe pse kanë festuar ende e kanë një brengë të madhe, problemin e vijës kufitare me Serbinë.

Selver Lenjani përfaqësues i fshatit Karaqevë të Kamenicës thotë për rajonipress se është i zhgënjyer në të gjitha qeveritë qendrore dhe institucionet kryesore të vendit. “Kanë kaluar katër vite kur kemi bërë apele, kërkesa e ankesa tek këto institucione dhe asnjëra prej tyre nuk e kanë parë të udhës të na vizitojnë dhe të njihen me hallet e telashet tona” shprehet Lenjani.

Madje Lenjani thotë se nuk e ka të qartë edhe neglizhencën e KFOR-it dhe të EULEX-it të cilët kishin premtuar se do ta krijojnë një ekip të përbashkët për ta definuar saktë dhe qartë vijën kufitare Kosovë- Serbi.

Lenjani tha se xhandarmëria serbë asnjëherë nuk do të pushojë duk provokuar dhe duke hyrë në brendi të territorit të Kosovës si të ishte në shtëpinë e vet. “Tani pas lirimit të Ramush Haradinajt kemi shpresa se ai do ta vizitojë Karaqevën. Vetëm një lider si Ramushi që po tregon vullnet, përkushtim e guxim shtetëror mund ta hap këtë problem në instancat më të larta qeveritare dhe ndërkombëtare” mendon Lenjani.

“E ftojë publikisht liderin Ramush Haradinaj që ta vizitojë Karaqevën dhe ta shoh e prek me sy, (vet) shqetësimin e këtyre banorëve” tha Lenjani./rajonipress/