Rama përfshihet në skandal!

Tek Valadolidi gjërat nuk po shkojnë ashtu si duhet dhe, këtë sezon, do të shtrëngohen dhëmbët që të sigurohet mbijetesa. Skuadra ku luan Valdet Rama ndodhet në vend të 18-të në La Liga, me vetëm 21 pikë dhe dhjetë humbje të pësuara deri tani. Vendi i 19-të është 1 pikë poshtë, ndërsa Malaga, i 17-ti, tre pikë larg.

Një situatë aspak e lehtë, duke qenë se edhe kalendari s’do të jetë i favorshëm. Por, çështja është një tjetër dhe ka të bëjë me disa faktorë që çuan këtë skuadër në këtë vend në renditje dhe që ia rrezikojnë sezonin seriozisht. Fillimisht, nën akuzë është stafi mjekësor, sipas mediave, jo i përshtatshëm, pasi ka gabuar në kurimin e futbollistëve.

Më shumë se gjysma e skuadrës ka kaluar një sezon mes infermierisë dhe ndalesave të gjata, që kanë ndikuar tek zgjedhje e detyruara të trajnerit. Mes tyre, edhe Valdet Rama, që ka qëndruar jashtë fushave, sipas një mbledhje të bërë, më shumë se 50 ditë. Por, kësaj i shtohen edhe akuzat e një sajti spanjoll, “Vavel”, që e quan klubin e Valladolidit “një qendër estetike” dhe jo “klub serioz futbolli”…(Tribuna – Arena).