Shkodran Mustafi, kandidati për vendin e Nemanja Vidiçit

Kapiteni i Mançester Junajtid, Nemanja Vidiç, ka deklaruar se nuk do të vazhdojë kontratën dhe se do të largohet për një aventurë të re në fund të sezonit. Kjo ka bërë që kampionët në fuqi të Anglisë të lëvizin për të gjetur një zëvendësues sa më të denjë.

“The Guardian” ka listuar 5 emrat që statistikisht mund të kompensojnë lojën në ajër, fuqinë, leximin e lojës dhe pasimet e 32-vjeçarit. Një nga pesë emrat është dhe ai i Shkodran Mustafit, mbrojtësit shqiptar të Sampdorias.

Ish-kapiteni i U-17 dhe U-19 të Gjermanisë po zhvillon një sezon të mrekullueshëm këtë vit, dhe duket se tashmë 21-vjeçar, Mustafi është pjekur, pasi nuk ja doli dot të shkëlqente disa vite më parë me Evertonin. Mustafi është një nga mbrojtësit me më shumë duele në ajër të fituara.(BW)