“Vllaznia” e Pozharanit shënoi 40 vjetorin e themelimit

Pozharan – Paksa me vonesë për shkaqe edhe objektive, Klubi futbollistik “Vllaznia” e Pozharanit mbrëmë ka shënuar më një solemnitet rasti 40-vjet të ekzistimit. Që nga themelimi e deri më tani ka kaluar një rrugëtim sa të suksesshëm aq edhe të vështirë, por me rendësi është se ai vazhdon të mbetet aktiv dhe të jetë pjesëmarrëse në garat e ligës ë dytë futbollistike të Kosovës, u tha nga folësit në këtë solemnitet.

Në 40 vjetorin e themelimit të Vllaznisë, kryetari i klubit Shpend Musa, theksoi se do të angazhohet me gjithë potencialin dhe në bashkëpunim me sportdashësit e komunës së Vitisë që të kontribuojnë që Klubi pozharanas të jetë në elitën e klubeve kosovare të ligës së parë të futbollit.

Në këtë ngjarje sportive, ishte i pranishëm edhe zv.trajneri i reprezentacionit të Kosovës Muharrem Sahiti, i cili tha se këtë veprimtari nuk e kanë gjitha klubet kosovare, andaj uroj që ky përvjetor të rezultojë me hyrje në Ligën e parë të Klubit Vllaznia.

Kryetari i komunës së Vitisë Sokol Haliti është shprehur se ajo që është më e rëndësishme për klubin Vllaznia është ruajtja e vazhdimësisë, që e ka ruajtur ky klub.

Ai rikonfirmoj mbështetjen e organeve komunale që do t`i jepet këtij klubi, për të vazhduar garat në rangë më të lartë, siç është ajo në ligën e parë të Kosovës, pasi që ekipi pozharanas si kampion vjeshtor i ligës së dytë të Kosovës ka gjasa reale që si i pari në tabelë të fiton statusin e skuadrës si anëtare e ligës së parë .

Klubi futbollistik Vllaznia e Pozharanit u themelua në korrik të vitit 1973 dhe kryetar i parë ishte zgjedhur Feriz Pira i cili edhe evokoi kujtime për periudhën e themelimit dhe vështirësitë që e kanë përcjellë klubin ndër vite.

Për punëtorët e dalluar, ata që kanë kontribuar dhe po kontribuojnë që sukseset të mos mungojnë, si dhe disa familjarëve të punëtorëve të dalluar që sot nuk janë në jetë, e që ishin pjesë e klubit si : lojtari i parë dhe kapiteni i parë Ibrahim Kurteshi dhe Beqir Ramiqi që të dy ish lojtarë të këtij klubi udhëheqësit e klubit Vllaznia i nderoi me mirënjohje post mortum ka njoftuar për rajonipress Aziz Zuka./rajonipress/