Berisha: Refuzova Juventusin

Futbollisti kosovar që kaloi te Roma në afatin kalimtar të janarit, Valmir Berisha, ka zbuluar disa prapaskena të ditëve të fundit të tregut. Ai zbuloi që i ka refuzuar ofertat e disa klubeve italiane, për të veshur fanellën verdhekuqe të Romës.

“Kam pasur oferta nga Juventusi, Atalanta e Chievo, por kur më erdhi propozimi i Romës, vendosa për të. Jam shumë i lumtur që do të luaj në kampionatin italian, e kam ëndërruar gjithmonë një gjë të tillë. Kur erdha në Romë për herë të parë, pash shumë tifozë që brohorisnin – vërtetë isha i lumtur për vëmendjen”, deklaroi ai për mediat italiane.

Berisha, 17 vjeçar, së pari do të luajë për kategorinë juniore të klubit kryeqytetas.