Radha e Bytyqit

Rivaliteti i madh mes Manchester Unitedit dhe Manchester Cityit shumë shpejt pritet t’i rivalizoj ndërmjet veti edhe dy futbollistë të rinj kosovarë. Fjala është për Adnan Januzajn dhe Sinan Bytyqin, i cili aktualisht luan për ekipin U-21 të Manchester Cityt. Dikur edhe Januzaj ishte pjesë e të rinjve të ‘Djajve të Kuq’, por sivjet ka shpërthyer me ekipin kryesor. Rrugës së tij po shkon edhe Bytyqi, i cili shumë shpejt pritet t’u nënshtrohet urdhrave të Manuele Pellegrinit.

Vet 19 -vjeçari nga Prizreni ka bërë të ditur për Arenën se prej edicionit të ardhshëm do t’u bashkohet yjeve të Manchester Cityt në skuadrën e parë. Bytyqi ka treguar se është vëzhguar në vazhdimësi nga Pellegrini, i cili ka mbet i impresionuar me paraqitjet e mesfushorit të krahut, duke ia bërë me dije se nga edicioni i ardhshëm do ta përfshijë në skuadrën e parë.

“Momentalisht jam në një formë tejet të mirë sportive. Punët me skuadrën janë duke shkuar shumë mirë dhe jam i kënaqur me vetveten deri më tani. Që nga stinori i ardhshëm do të jem pjesë e skuadrës së parë, dhe mezi po pres që të vij kjo ditë. Këtë lajm ma ka konfirmuar Pellegrini, por edhe trajneri aktual i imi, Patrick Vieira. Do të jem pjesë e skuadrës së parë të Cityt, dhe kjo është një ëndërr e bërë realitet për mua”, ka deklaruar për Arenën Bytyqi….(Tribuna – Arena).