Pirja e duhanit, dëmton sytë

Në një studim të ri nga Spitali Universitar ‘Orbero’ në Suedi, hulumtuesit kanë gjetur prova plotësuese në atë se pirja e duhanit ndikon në rritjen e zhvillimit të verbërimit të syve, duke shkaktuar sëmurje të tyre.

Studiuesit treguan se duke e larguar këtë zakon mund të ndihmojë në mënjanimin e këtij rreziku.

Ata sugjerojnë se pirja e duhanit mund të rris rrezikun e zhvillimit të katarakut ( perdes së syrit), duke shkaktuar turbullim të lenteve, gjë që dërgon drejt verbërisë.

Studimi i tanishëm, i cili është publikuar në ‘Jama Opthamology’, u përpoq që të gjej të dhëna nga një grup i meshkujve suedez dhe të analizojë shëndetin e tyre duke përfshirë 44.371 burra të moshës 45 deri 79 vjeç.

Në këtë analizë, grupi identifikoi 5.713 raste me katarakt. Për shembull zakoni i pirjes së 15 cigareve në ditë korrespondon me 42 për qind të rritjes së rrezikut që dërgon drejt ektraktimeve të kataraktit.

Për më tepër, analizat kanë treguar se ndalimi i pirjes së duhanit, ndërprenë rritjen e këtij rreziku.

Rreth dy dekada pas ndërprerjes, meshkujt me pirjen e 15 cigareve në ditë e kanë rritur rrezikun e kataraktit krahasuar më jo pirësit e duhanit.

“Ndërprerja e duhanit mund të zvogëloj rrezikun e kataraktit më kohë, edhe pse rreziku vazhdon më dekada. Sa më i lartë të jetë intensiteti i pirjes së duhanit, aq më gjatë shkon në rënien e rrezikut. Këto gjetje theksojnë rëndësinë e fazës së hershme të ndërprerjes së duhanit”, ka theksuar, autorja e studimit, Birgitta Ejdervik Lindblad.