Triumfoi ideja që u kritikua

Ideja e bashkimit ekonomik të Shqipërisë dhe Kosovës kishte nisur shumë më herët, por themelet e këtij bashkëpunimi u intensifikuan në mars të vitit 2008 dhe në mars të vitit 2011.

Një muaj pas shpalljes së pavarësisë së Kosovës, tre universitete të hapësirës shqiptare shërbejnë si forum për lansimin e idesë së Arbën Xhaferit për një Komunuelth Kombëtarë. Kjo mbeti si ide deri në mars të vitit 2011 kur Behgjet Pacolli, në cilësinë e Presidentit të Kosovës, në Parlamentin e Shqipërisë bëri thirrje për institucionalizimin e takimeve midis krerëve të shteteve shqiptare për të krijuar një hapësirë unike ekonomike.

Në korrik të vitit 2011, tre ish presidentë, Behgjet Pacolli, Rexhep Meidani dhe Alfred Moisiu, si dhe dy rektorë universitetesh, nënshkruajnë së bashku me Arbër Xhaferin, Kartën e qëllimeve të hapësirës mbarëkombëtare të zhvillimit.

Në dhjetor të vitit 2012, një grup intelektualësh dhe profesionistësh shqiptarë me banim jashtë, bëjnë thirrje për krijimin e Unionit Ekonomik shqiptar sipas modelit evropian në disa nivele: ekzekutiv, parlamentar dhe të shoqërisë civile…(Tribuna).