Behrami mungon ndaj Sampdorias
RajoniPress
08:34, 4 Janar, 2014
Lajme të këqija për Napolin në prag të ndeshjes ndaj Sampdorias. Trajneri Rafael Benitez nuk do të mund të llogaritë në shërbimet e mesfushorit kosovar Valon Behrami. Ky i fundit ka qenë në një vizitë sot në kryeqytet, Romë, ku ka bërë një kontroll të këmbës së majtë.
Me shumë gjasa ai do t’iu mungoj napolitanëve në takimin e së hënës ndaj Sampdorias, ku luan shqiptari tjetër Shkodran Mustafi.
Ndryshe, Napoli xhiron e kaluar ka luajtur baras me Cagliarin në udhëtim, 1:1 dhe me këtë lëshim, ka ngelur në pozitën e tretë me 36 pikë, pesë sosh prapa Romës që është e dyta dhe dhjetë larg Juventusit, që kryeson me 46 pikë.
