Astriti pranë huazimit në Charlton

Londër – Mesfushori kosovar, Astrit Ajdareviq, karrierën pritet ta vazhdojë në Angli. Mediumet suedeze kanë njoftuar të enjten se Ajdareviq për gjashtë muaj do të huazohet te skuadra e Kategorisë së Dytë angleze, Charlton, që zë vendin e 19-të.

Ajdareviq 23-vjeçar nuk arriti të zërë vend këtë edicion te skuadra belge Standard Liege. “Është një mundësi e madhe që të huazohet për gjashtë muaj. Pastaj, Astriti do të kthehet në verë dhe më pas do ta bëjmë vlerësimin tonë”, ka thënë drejtori sportiv i Standard Liege, Jean Francois për “Star”. Ajdareviq me Standard Liegen ka kontratë deri në qershor të vitit 2016.

Ai te ekipi belg u transferua në verën e vitit 2012 nga Norrkopingu suedez.