Rama u kthehet stërvitjeve

Mesfushori kosovar, Valdet Rama, ka nisur stërvitjet me ekipin spanjoll Real Valladolid. Kështu është bërë e ditur të enjten në faqen zyrtare të klubit. “Lajm i mirë është që Valdet Rama i është kthyer punës normale dhe ka marrë një sinjal të mirë nga ekipi mjekësor”, shkruan “realvalladolid.es”.

Rama 26-vjeçar për shkak të problemeve me muskuj nuk është paraqitur te Valladolidi që nga 22 nëntori i vitit të kaluar.

Mesfushori i Kombëtares së Shqipërisë këtë edicion në fanellën e Valladolidit ka zhvilluar 14 ndeshje. Me ekipin elitar të Spanjës ka kontratë deri në qershor të vitit 2015.