Januzaj asistoi, United pësoi

Adnan Januzaj me Manchester Unitedin e ka nisur vitin e ri me humbje. United pësoi humbje para shikuesve të vetë në xhiron e 20-të të Premier Leagues angleze nga Tottenham Hotpsurs duke u mposhtur me rezultat prej 2:1.

Epërsinë e parë Spursave ia solli sulmuesi shtatgjatë, Emanuel Adebayour në minute e 34-të të derbit.

Ndërsa Cristian Erikssen i solli gëzimin e dytë mysafirëve kur shënoi golin e rradhës për londinezët në minutën e 66-të. Vetëm një minutë më vonë Danny Welbeck i Unitedit u përkujdes për rezultatin përfundimtar të ndeshjes, atë të 2:1 për Tottenhamin.

Vlen të theksohet se mesfushori shqiptar, Januzaj, u paraqit gjatë gjithë ndeshjes , ku edhe ishte protagonist tek goli i vetëm i United, duke asistuar për Welbeck.

Pas kësaj humbje, United zë pozitën e shtatë të renditjes tabelore të ligës elitare angleze me 34 pikë, përkatësisht ka tre pike më pak se vendi i dytë, aty ku gjendet Tottenhami.