De Biasi llogarit në Xhakën

Tiranë – Trajneri i Kombëtares shqiptare, Gianni De Biassi ka folur për herë të parë për përforcimin më të ri të ekipit kuqezi.

Fjala është për mbrojtësin e Basleit, Taulant Xhakën. Ky i fundit, ditë më parë është pajisur me pasaportë shqiptare. Ai është dekretuar me shtetësi shqiptare nga presidenti i Republikës, Bujar Nishani.

Strategu italian, ka thënë se do të llogaritë në Xhakën për ndeshjet eliminatore të europianint ‘Franca 2016’, të cilat do të nisin në shtator të vitit 2014.

“Besoj dhe shpresoj që Taulanti të jetë gati për eliminatoret e Europianit”, ka deklaruar De Biasi në një intervistë për .Panorama Sport’.

Taulanti, i cili është vëllai i madh i Granit Xhakës, gjatë karrierës ka luajtur me ekipet U-17,U-18,U-19,U-20 dhe U-21 të Zvicrës.

Por, duke e parë që nuk është në planet e trajnerit te përfaqësueses A, Ottmar Hitzfeld, Xhaka ka shprehur interesimin prej kohësh që t’i bashkohet Kombëtares shqiptare, transmeton ina.

Sidoqoftë, Xhakës nuk do t’i mjaftoj ftesa nga selektori Gianni De Biasi që ta vesh fanellën kuqezi. 22 vjçari duhet të marr leje edhe nga FIFA e UEFA që të luaj me Shqipërinë, pasi më herët ka luajtur me grupmoshat e Zvicrës.

Këtij rregulli i janë nënshtruar edhe Shkëlzen Gashi, Amir Abrashi, Migjen dhe Vullnet Basha, pasi para se t’i bashkoheshin Kombëtares shqiptare, kishin luajtur me helvetikët.