Maqedonia po mbytet në plehun politik

Shkrimtari dhe publicisti i njohur shqiptar nga Maqedonia, Kim Mehmeti, ka paralajmëruar se Maqedonia si shtet po vazhdon të mbytet në baltën dhe plehun politik që është duke e prodhuar gjatë viteve të ekzistencës së saj.

Në këtë intervistë dhënë për gazetën “Epoka e re”, ai ka bërë me dije se Maqedonia nuk e ka shfrytëzuar mundësinë që iu dha dhe tani është katandisur rrugës së dështimit të vet si shtet.

Për këtë situatë, ai i ka bërë përgjegjës gjithë politikanët maqedonas dhe shqiptarë. Mehmeti nuk beson se kriza politike do të përshkallëzohet në krizë ndëretnike.

Ai ka vlerësuar se përshkallëzimi i gjendjes është në interes të pushtetarëve por, sipas tij, shqiptarët tashmë e kanë kuptuar këtë lojë dhe nuk do të bëhen pjesë e saj.