E bukura more

Vëllezërve të mi arbëreshë!..

Zemra mendjen po e pyet
Malli mua m´i mbyti sytë
Në ëndërr shoh unë Morenë
Dheun e t´atës dhe atdhenë

Flet De Rada, flet dhe Ujko
Dushko Vetmo çon mesazh
Qan e bukura, qan i bukuri
Për Morenë e kam një mall

Flakë e shpirtit nuk shterron
Prush i zemrës nuk harron
Kujtoj hënë dhe kujtoj det
Sa herë gjaku im më thërret

Unë të desha po s´u pamë
Gjaku i shprishur edhe than
Gjuha jonë dritë shumëzon
Rrënja e fortë gjakun pastron!..

Te varri i fëmiut tim

Sa herë kthehem në atë kohë
goja më merret nga ato krime
nga ajo barbari serbe, dhe nga
ato pushkatime të qëllimshme

Zemra të vockëla të lirisë
ju s´ishit një, as dy, por 2 mijë
që gjenocidistë serb ju vranë
sikur të ishit burra të mëdhenj

Ilir , Shqiponja , Gresa , Astrit…
ju shtyheni vetë të më pyesni
ku ishim ne kur juve ju vranë
ç´bëmë ne, që ju të mos vriteni

Zemra të vockëla të lirisë
mos i mëshoni dheut me duar
mos qani, qetësohuni,.ndaluni

se mëmën mund ta çmendni!…

Rrustem Geci