Kosova vetë në geto, lëshon 174 viza

Vugar është 24 vjeç dhe vjen nga Azerbajxhani. Vitin e kaluar, gjatë një seminari në Beograd ai ka bërë miq kosovarë, dhe sivjet në një turne ballkanik ai ka dashur ta përfshijë edhe një vizitë në Kosovë.

Shteti i tij, është numër pesë në listën e shteteve të cilat që nga ky vit duhet të posedojnë vizë për të hyrë në territorin e Republikës së Kosovës. Vugar, megjithatë, thotë se ka pasur probleme në aranzhimin e dokumenteve për të marë një vizë, sado që për të Turqia është shumë e afërt, e më e afërt edhe Konsullata e Përgjithshme e Republikës së Kosovës në Stamboll, atje ku edhe aplikohet e merret viza.

“Në fakt, problemin e kisha në krijimin e dokumentacionit, sepse fillimisht nuk më besohej se do të duhej vizë për Kosovë. E dija se Azerbajxhani dhe Kosova nuk kanë raporte të mira bilaterale, por kureshtja më bën të vij atje”, thotë Vugar.

Ai nuk ka hequr dorë nga marrja e vizës, që megjithatë i duket absurde. Ai ka pak shtete ku i duhet vizë, derisa ka dëgjuar se shtetasit e Kosovës pa vizë mund të hyjnë në vetëm pesë shtete, përfshirë Serbinë…(Zëri)