Mbi 1.2 milionë euro ilaçe u futën paligjshëm në qarkullim

Zyrtarë të lartë të Agjencisë së Kosovës për Produkte Medicinale, biznesmenë kosovarë dhe zyrtarë të lartë të Ministrisë së Shëndetësisë, janë vënë nën ‘llupën’ e prokurorisë.

Kjo për shkak të një skandali që ka ndodhur muaj më parë e që ndërlidhet me importin e albuminave dhe insulinave.

Gazeta ka mësuar se hetimet që po i bën prokuroria, ndërlidhen me pranimin dhe vënien në qarkullim të 17 serive të insulinave dhe tetë serive të albuminave, ndonëse ato nuk kishin fare leje importi.

Këto produkte të sjella jashtë procedurave në tregun kosovar i ka futur qarkulluesi farmaceutik “Asgeto”, kurse vlera e produkteve që dyshohet se janë futur në mënyrë të paligjshme në treg konsiderohet të jetë mbi 1.2 milionë euro… (Tribuna).