Universiteti i Gjilanit merr hapësirat e shkollës bujqësore dhe mjekësisë

Gjilan – Arben Dërmaku kryetar i këshillit për Themelimin e Universitetit të Gjilanit dhe Bujar Nevzati drejtor i arsimit kanë nënshkruar pranim dorëzimin e hapësirës së objekteve shkollore të Mjekësisë dhe Bujqësisë. Bujar Nevzati tha për rajonipress se me këto kushte të ofruara dhe hapësira mësimi Universiteti i Gjilanit do të jetë një nga universitetet më të mira në Kosovë.

Universiteti i Gjilanit çdo ditë e me tepër po vije duke u konsoliduar edhe me hapësira dhe infrastrukturë mësimore. Të enjten Arben Dërmaku dhe Bujar Nevzati kanë nënshkruar pranim dorëzimin e hapësirës së shkollës së mjekësisë dhe bujqësisë, objektet dhe salla mësimi që tash e tutje do t`i shfrytëzojë Universiteti i Gjilanit.

Arben Dërmaku me këtë rast tha se Komuna e Gjilanit, Qemajl Mustafa dhe Bujar Nevzati e kanë përkrahur vazhdimisht Themelimin e këtij Universiteti.”Këto hapësira e salla mësimi duke përfshirë edhe kabinetet, laborator do ta fuqizojnë edhe më shumë Universitetin e Gjilanit, i cili çdo ditë e më shumë po kompletohet” tha Dërmaku.

Dërmaku tha se studentët e Universitetit të Gjilanit fillimin e vitit të ri akademik do ta nisin me kushte më të mira dhe me shumë salla e amfiteatro.

Kurse Bujar Nevzati drejtor i arsimit në Gjilan tha për rajonipress se edhe pse Komuna e Gjilanit ka pasur mjaft ngushtica për të zhvilluar mësimin, megjithatë me angazhimin e kryetarit të komunës Qemajl Mustafa ne kemi vendosur që këto hapësira t`i shfrytëzoj Universiteti i Gjilanit i cili shpresoj se do të jetë njëri nga Universitetet më të mira në Kosovë./rajonipress/