Arifi: Jemi në pikën zero, s`ka lëvizje përafrimi

Gjilan – Nexhmedin Arifi duke komentuar deklaratën e Basri Musmuratit se në degën e PDK-së në Viti ka përafrim të qëndrimeve, për rajonipress tha se s`ka asnjë lëvizje, madje jemi në pikën zero. Unë që nga fillimi kam qenë dhe jam për bashkëpunim dhe unitet në PDK e Vitisë dhe do të isha shumë i lumtur nëse do të arrihej uniteti i shumëkërkuar.

Kreu komunal në Viti Nexhmedin Arifi vazhdon të mbetet i përkushtuar që të ruaj strukturën e degës së PDK-së në Viti duke ofruar edhe bashkëpunim me krahun e Daut Xhemajlit, raporton rajonipress.

Arifi duke komentuar deklaratën e Basri Musmuratit se në degën e PDK-së në Viti ka përfarim të qëndrimeve tha se s`ka asnjë lëvizje dhe madje në këtë drejtim ende jemi në pikën zero.”Unë që nga fillimi kam qenë për bashkëpunim dhe jam i interesuar që të ruhet struktura e PDK-së. Edhe tani jam i interesuar për të qenë më afër dhe për të ecur punët përpara. Por është grupi tjetër që ka zgjedhur një rrugë jodemokratike, një rrugë me imponime e ndëskamca” tha Arifi.

Arifi tha se pjesa kryesore e strukturës së PDK-së në Viti janë pas tij dhe pas vijës së drejtë e të shëndoshë në PDK.”Unë prapë insistojë që të mbahet Kuvendi i Degës në mënyrë demokratike , pa shantazhe ndaj delegatëve dhe pa kërcënime e imponime. Unë vazhdojë të mos e njoh atë Kuvend dhe vetëm respektimi i procedurave demokratike në parti mund ta kthejë unitetin e shumë kërkuar në PDK e Vitisë” tha Arifi.

Arifi thotë se si kryetar i Komunës është i interesuar që të respektojë ligjin dhe procedurat ligjore. “Mendoj se kryesia qendrore është dashur të jetë më aktive dhe jo të bëjë sehir në rastin e Vitisë” tha Arifi./rajonipress/