Daku: Rinia arma më e fuqishme e AKR-së

Gjilan – Omer Daku tha se për AKR-në nuk do të ketë pushime verore, por përkundrazi aktivitetet do të jenë të shtuara. Një gatishmëri e tillë vërehet edhe tek rinia e këtij subjekti, që sipas Dakut është edhe arma më e fuqishme që ka AKR-ja.

Kryetari i AKR-së në Gjilan , Omer Daku është takuar me kryesin e Forumit Rinor për të parë nga afër aktivitetet që po ndodhin tek rinia e AKR-së si dhe hapat që pritet të merr ky subjekt politik.

Daku e ka vlerësuar lartë punën e të rinjve të AKR-së. Sipas Dakut nga takimi me të rinjtë është dalur edhe me qëndrime konkrete dhe aktivitete të shumta gjatë qëndrimit të mërgimtarëve në Gjilan.

Omer Daku tha se për AKR-në nuk do të ketë pushime verore, por përkundrazi aktivitetet do të jenë të shtuara. Një gatishmëri e tillë vërehet edhe tek rinia e këtij subjekti, që sipas Dakut është edhe arma më e fuqishme që ka AKR-ja.

Daku është zotuar para Forumit Rinor se mbështetja e tij në adresë të rinisë do të jetë maksimale dhe se do të jetë në ballë të të gjitha aktiviteteve që organizohen nga rinia.

Daku tha se i gjithë ky mobilizim dhe aderimet e shumta që po ndodhin në AKR nuk lejojnë komoditet dhe pushime, por përkundrazi aktivitete të përditshme.“Ditët në vijim AKR në Gjilan do të sjell shumë risi dhe befasi të mira të cilat përfundimisht do të jenë edhe si kurorëzim i punës së deritanishme të palodhshme të të gjitha strukturave të cilat do të dëshmohen më së miri në zgjedhjet lokale të këtij fundviti./rajonipress/