Premtimet e Kadriut, mbërrijnë deri në zonat kufitare

Gjilan – Kryetari i AAK-së në Gjilan Rexhep Kadriu, sot qysh në orët e para të mëngjesit, ka vizituar fshatin Depcë, fshat ky i cili gjendet në zonën kufitare me Preshevën.

Arsyeja e kësaj vizite, ishte shtrimi i rrugës kryesore të fshatit me zhavor, të gjatë rreth 2km.

Banorët e Depcës, të cilët janë të zhgënjyer me premtimet e kota të pushtetit komunal, të cilët kanë premtuar se do të intervenojnë në mënyrë të veçantë në zonat kufitare dhe asnjëherë nuk i kanë mbajtur këto premtime, kanë falënderuar kryetarin Kadriu, duke u shprehur se si qytetarë, do të qëndrojnë prapa atyre që i mbajnë premtimet dhe punojnë në të mirë të tyre.

Shtrimi i rrugës kryesore në Depcë, është vetëm vazhdimësi e aktiviteteve të shumta të kryetarit Kadriu në ndihmë të qytetarëve, i cili ka premtuar se aktivitete të tilla do të ketë edhe në të ardhmen, sepse sipas tij, “AAK është themeluar për popullin dhe do të punojë për një të ardhme më të mirë për ta”, është shprehu kryetari Kadriu. /rajonipress/