Propozim interesant i Arben Mehmetit

Gjilan – Arben Mehmeti shef i grupit të LDK-së ka propozuar që të gjitha qytetet e Kosovës të marrin vendim që të vendoset nga një shtatore e heroit kombëtar Salih Berisha.

Humbja e Sali Berishës është pritur me mjaft ankth edhe nga shumë qytetar, veprimtarë e aktivist të Kosovës e Anamoravës. Berisha ka shumë adhurues dhe simpatizantë në gjithë Kosovën dhe kjo dëshmohet edhe me prononcimet e njerëzve me ndikim nëpër rrjetet e tyre sociale.

Arben Mehmeti që është shef i grupit parlamentar të LDK-së në Gjilan ka dhënë një ide-propozim interesantë.

Mehmeti ka thënë për rajonipress se në shenjë respekti për punën e madhe e të palodhshme që ka bërë Salih Berisha për Kosovën e shqiptarët në përgjithësi do të ishte mirë që të gjitha qytetet e Republikës së Kosovës të marrin nga një vendim, që të vendosin nga një shtatore të heroit kombëtar Sali Berisha.

Mehmeti thotë se komuna e parë që do të duhej të fillonte me këtë iniciativë konkrete do të duhej të ishte Komuna e Prishtinës sepse vetëm në këtë mënyre tregojmë përkushtim ndaj punës së madhe që ka bërë ky hero i gjallë për vendin tonë tha Mehmeti./rajonipress/