AAK me nëndegë edhe në lagjen “Lot Vaku”

Gjilan – Aleanca për Ardhmërinë e Kosovës Dega në Gjilan, ka themeluar nëndegën e radhës atë të lagjes “Lot Vaku”, kryetar i së cilës është zgjedhur Rabit Ademi.

Në kuvendin për themelimin e kësaj nëndegë morën pjesë edhe nënkryetari i degës së AAK-së në Gjilan Selami Xhemajli, sekretari i përgjithshëm i degës së AAK-së në Gjilan Nazim Gagica si dhe koordinatori i regjionit që kap lagjen “Lot Vaku” Halil Shala.

Selami Xhemajli tha se vet fakti se kemi shumë kërkesa për të themeluar degët e AAK-së tregon se kemi një rritje të AAK-së në Gjilan. “Ne do të jemi të pranishëm kudo dhe në çdo kohë do ju përgjigjemi kërkesave të elektoratit. Shpresojmë se ky invazion në drejtim të AAK-së do të jetë bilanci më i mirë që Gjilanin ta udhëheq kandidati i AAK-së Rexhep Kadriu” tha Xhemajli./rajonipress/