Nevzadi i kënaqur me suksesin e maturantëve gjilanas

Gjilan – Bujar Nevzadi drejtor i arsimit në Gjilan tha për rajonipress se nga 2300 maturantë sa i janë nënshtruar testit të maturës, 1654 prej tyre e kanë kaluar testin e kalueshmërisë, që i bije 71.58 %.

Bujar Nevzadi drejtor i arsimit në Gjilan pas shpalljes së rezultateve nga Ministria e Arsimit është shprehur i kënaqur me rezultatin e treguar nga ana e maturantëve gjilanas.

Nevzadi tha për rajonipress se nga 2300 maturantë sa i janë nënshtruar testit prej tyre kanë kaluar 1654 e që i bije rreth 71.58%.

Nevzati tha se për rezultat të mirë në testin e maturës janë treguar nxënësit e Gjimnazit “Zenel Hajdini” dhe Shkolla e Mjekësisë, kurse rezultat më të dobët kanë treguar shkollat profesionale siç është ajo e bujqësisë dhe teknika.

Nevzadi tha se nëse krahasohet rezultati i testit me vitin e kaluar, këtë vit është shumë më i mirë.”Unë i falënderojë drejtorët e shkollave për organizimin e mirë të mbajtjes së testit, por edhe profesorët dhe të gjithë ata që i kanë përgatitur nxënësit që këtë vit të jenë me rezultate më të kënaqshme”.

Nevzadi tha se megjithatë janë edhe 654 nxënës që nuk e kanë kaluar testin, por në këtë numri sipas tij janë 300 nxënës që kanë mbetur nga vitet e kaluara.”Për këta nxënës do të ketë edhe një shpresë meqë është afati i gushtit, kurse atyre që kanë treguar rezultate urojmë që të zgjedhin drejtimet e tyre të preferuara” tha Nevzadi./rajonipress/