Aleanca e Gruas së AAK-së bëhet edhe me një nëndegë

Gjilan – Aleanca e Gruas së Kosovës – dega në Gjilan, ka themeluar nëndegën e radhës, atë të “Dheu i Bardhë II”, kryetare e së cilës është zgjedhur Rabije Rudhani.

Ndërsa pos kësaj, kryesia e AAK-së në Gjilan, sot ka pasur takimin e radhës në kuadër të takimeve intensive që kjo kryesi ka, në të cilën u diskutua mbi gjendjen në teren.

Sipas kryetarit të AAK-së në Gjilan, Rexhep Kadriu dhe bazuar në punën që koordinatorët e ekipeve në teren po bëjnë, gjendja në teren është vlerësuar si shumë e mirë dhe pozicioni i AAK-së është parë si shumë premtues.

Kadriu ka premtuar se po punohet që ky pozicion të mbetet vendimtarë në zgjedhjet lokale që pritet të mbahen në tetor të këtij viti./rajonipress/