Pajaziti: PDK-ja në Gjilan është lidere e zhvillimeve pozitive

Gjilan – Partia Demokratike e Kosovës ka traditë organizative politike, energji mobilizuese te strukturat e saj dhe qytetarët por edhe riaktivizimin e kësaj tradite dhe energjie ka thënë kryetari i Degës së Partisë Demokratike të Kosovës në Gjilan Zenun Pajaziti , në takimin me kryetarët e nëndegëve të PDK-së.

Edhe më tutje PDK, do të ridëshmojë se është partia lidere në vend, duke treguar unifikim, suksese në qeverisje dhe realizim të projekteve të rëndësisë së madhe e të veçantë për qytetarët.

Pajaziti ka shtuar se asnjë parti nuk i ka dhënë rezultate dhe suksese, sa ka bërë PDK-ja në qeverisjen e saj. “Oferta e ardhshme e PDK-së për qytetarët e Komunës së Gjilanit, e ka bazën e saj në angazhimin permanent në të mirë të qytetarëve, ka për bazë përkushtimin që qeverisja e PDK-së ka bërë dhe vazhdon të bëjë për zhvillimin e komunës dhe mirëqenien më të mirë për të gjithë qytetarët” ka thënë Pajaziti.

Pajaziti ka thënë se qytetarët na kanë dhenë besimin e të cilin do ta rikonfirmojnë edhe në proceset në vazhdim për një qeverisje që sjell të mira për të gjithë qytetarët e komunës sonë.

Në këtë takim nga kryetarët e nëndegëve u shpreh gatishmëria për angazhim dhe mobilizim për rifitore të reja të Partisë Demokratike të Kosovës. /rajonipress/