Në Gjilan dëmet nga breshëri arrijnë në mbi 300 mijë euro

Gjilan – Nazmi Rapuca drejtor për bujqësi dhe pylltari në Gjilan tha për rajonipress se komisioni komunal i caktuar enkas për të konstatuar dëmet nga breshëri ka konstatuar se dëmet arrijnë në mbi 300 mijë euro. Fshatrat më të goditura janë Stublina, Capari, Pograxha, Malisheva, Uglari, Bukoviku, Velekinca, Llashtica, Zhegra, Verbica e Kmetocit.

Komisioni komunal i caktuar enkas për të bërë vlerësimin e dëmeve nga breshëri që goditi disa fshatra të Gjilanit më 11 qershor ka vlerësuar se dëmet në këtë regjion arrijnë në mbi 300 mijë euro.

Nazmi Rapuca drejtor për bujqësi dhe pylltari tha për rajonipress se komisioni ka vizituar të gjitha fshatrat e goditura dhe përafërsisht ka vlerësuar se dëmi arrin në mbi 300 mijë euro.

Sipas tij fshatrat më të goditura janë Stublina, Capari, Pograxha, Malisheva, Uglari, Bukoviku, Velekinca, Llashtica, Zhegra, Verbica e Kmetocit etj. Rapuca tha se më së shumti breshëri dëme ka shkaktuar tek pemët, gruri dhe misri.

Rapuca tha se komuna e Gjilanit e ka të pamundur të ndihmojë bujqit ose fermerët e mëdhenj në mungesë të buxhetit komunal

Rapuca thotë se për të kapërcyer këtë situatë duhet ndihma e Qeverisë e cila ka mundësi të kompensojë bujqit

Ndryshe Rapuca në seancën e fundit të Kuvendit Komunal ka propozuar që ky institucion të shikojë mundësitë për krijimin e një fondi për t`i ndihmuar të dëmtuarit. Dëmet te disa ferma arrijnë në 10 mijë euro, ka thënë Rapuca./rajonipress/