Edhe fshatrat e Artanës dëmtohen nga breshëri

Gjilan – Drejtoria e Shërbimeve Publike, Mbrojtje dhe Shpëtim ka vizituar vendet e goditura nga breshëri në territorin e Komunës së Novobërdës duke filluar nga fshatrat Llabjan dhe Koznic në drejtim të fshatrave tjera atë të Paralovës dhe një pjesë të Strazhës dhe sipas Sami Vllasaliut është kuptuar se dëmet janë të konsiderueshme.

Drejtori Sami Vllasaliu tha se pasi ka vizituar fshatrat ka kuptuar se këtë pjesë me të vërtet e kishte goditur një breshër jashtëzakonisht i madh i cili po thuajse kishte dëmtuar çdo gjë që kishte goditur, rrugët ishin të pa kalueshme nga sasia e të reshurave tha ai.

Drejtoria e SHPMSH duke parë gjendjen e krijuar në terren si bllokimin e disa rrugëve që lidhin lagjet e fshatit Llabjan me fshatrat për rreth angazhoj menjëherë njësitin e zjarrfikësve për të bërë pastrimin e rrugëve nga zhavorri i cili kishte bllokuar në tersi disa rrugë.

Po ashtu menjëherë u angazhuan edhe makineritë tjera private për të vepruar sa më shpejt në mënyrë që banoreve t’ju mundësohet lëvizja e lirë në këto kushte të vështira.

Me angazhimin e përfaqësuesve të drejtorisë në afat prej tri orëve u bë debllokomi i të gjitha rrugëve në vendbanimet e goditura nga moti i keq.

Po ashtu edhe ditën e dytë Drejtoria sipas Vllasaliut ka vazhduar me angazhimet e saj duke përcjellur gjendjen dhe duke bërë vlerësimin e dëmeve në terren si atyre të rrugëve, kanaleve, objekteve të banimit dhe infrastrukturës tjetër përcjellëse.

Edhe më tutje kjo drejtori mbetet e angazhuar që banoreve t’ju dalë në ndihmë shtoj Vllasaliu./rajonipress/.