Artana me plan operativ për pritjen e mërgimtarëve

Gjilan – Komandanti i stacionit policor në Artanë Shukri Aliu ka thënë se tashmë është bërë plani operativ nga ana e policisë për sezonin verore, meqë tani ka një fluks të bashkatdhetarëve tanë derisa si polici kemi marrë të gjitha veprimet e nevojshme dhe parapërgatitjet për planet tona operative për sezonin veror duke u nisur nga manifestimet e ndryshme, dasma etj.

Anëtarët e Këshillit Komunal për Siguri në Bashkësi ( KKSB ) në Artanë e kanë vlerësuar situatën si të qetë dhe stabile.

Në këtë takim të pranishëm ishin anëtarët e Këshillit Komunal për Siguri në Bashkësi, OSBE-së, KFOR-it, FSK-ja, Ministrisë së Punëve të Brendshme dhe përfaqësuesit e EULEX-it.

Takimin e ka udhëhequr nënkryetari i komunës Driton Abdyli derisa për gjendjen e sigurisë në këtë komunë ka folur komandanti i Policisë së Novobërdës, Shukri Aliu.

Shukri Aliu tha se sa i përket gjendjes së sigurisë në Komunën e Novobërdës mund të them që është jashtëzakonisht e qetë. “Nga takimi i fundit deri më sot nuk kemi pasur asnjë konflikt apo rast ndëretnik, gjendjen e sigurisë në teren e kemi mjaftë të mirë , ku nga takimi i fundit nuk kemi pasur ndonjë rast të rëndësisë së veçantë. Të gjitha rastet janë të natyrës normale” ka thënë Aliu.

Aliu tha se gjendja në trafik është mjaft e mirë sepse ka pasur vetëm dy raste të aksidenteve të trafikut me dëme të vogla materiale.

Aliu ka thënë se tashmë është bërë plani operativ nga ana e policisë për sezonin veror, meqë tani ka një fluks të bashkatdhetarëve tanë derisa si polici kemi marrë të gjitha veprimet e nevojshme dhe parapërgatitjet për planet tona operative për sezonin veror duke u nisur nga manifestimet e ndryshme, dasma etj, u shpreh Aliu./rajonipress/