Kryetarët e fshatrave të Vitisë njihen me projektet në infrastrukturë

Gjilan – Me qëllim të ngritjes së kapaciteteve të kryetarëve të fshatrave në Viti është mbajtur një takim i përbashkët në mes të përfaqësuesve Komunal dhe kryetarëve të lokaliteteve të cilat janë zgjedhur gjatë këtij viti me një mandat 4 vjeçar.

Gjatë këtij takimi kryetarët e fshatrave dhe të qytetit janë njoftuar mbi rregulloren për organizimin dhe bashkëpunimin e komunës me fshatrat, vendbanimet dhe lagjet urbane në territorin e Komunës së Vitisë.

Ky takim është mbajtur me mbështetjen e projektit Zvicër Kosovë Helvetas që implementohet nga projekti LOGOS, gjatë këtij takimi kanë marrë pjesë përfaqësues Komunal Abdyl Bajrami i cili ka folur për rregulloren për bashkëpunimin e këshillave lokale me Komunën, ndërsa Islam Jashari Drejtor për Ekonomi Financa dhe Zhvillim ka folur për çështjet që lidhën drejtpërdrejtë me projektet infrastrukturore, si monitorimi i procedurave të tenderimit, monitorimi i realizimi të projekteve si dhe të drejtat e këshillit të fshatit.

Ndërsa Drejtori për Urbanizëm Planifikim dhe Mjedis Metush Bajrami ka folur për rolin e kryetarëve dhe këshillave të fshatrave dhe qytetit në monitorimin e zbatimit të Planit Zhvillimor Komunal.

Gjatë këtij takimi edhe Zyrtari për Informim Publik dhe Marrëdhënie me Publikun ka bërë një prezantim lidhur përfshirjen e këtyre përfaqësuesve në fazën e planifikimit të buxhetit komunal , konkretisht në investimet kapitale dhe atë përmes pjesëmarrjes së tyre në diskutimet publike dhe debatet e rregullta me qytetarë. Poashtu gjatë këtij takimi ata janë njoftuar edhe për buxhetimin e përgjegjshëm gjinor./rajonipress/