Enveri nuk pyet për rregulla

Ministri i Punëve të Jashtme Enver Hoxhaj, dhe punonjësit e tij gjatë vitit 2012 kanë shpenzuar para sa kanë dashur vetë për avionë, vetura dhe telefona.

Ata në asnjë rast nuk u janë përmbajtur vijave buxhetore duke i tejkaluar dukshëm planifikimet.

Sipas Auditorit të Përgjithshëm, kjo ministri për udhëtime jashtë vendit gjatë vitit të kaluar ka shpenzuar 894 mijë e 839 euro, derisa sipas buxhetit ishin paraparë të shpenzohen 653 mijë e 319 euro, në bazë të saj shihet se janë shpenzuar fiks 241 mijë e 520 euro më shumë.

“MPJ, gjatë vitit ka paguar një numër të madh të biletave të udhëtimit jashtë vendit, për individë të cilët nuk ishin të punësuar në këtë ministri. Për këto udhëtime nuk kishte aprovime paraprake nga ana e MPJ. Vlera e 12 biletave ishte 20,707 euro”, thuhet në raport (Tribuna).