Beqaj siguron se pagat janë të siguruara për një vit

Ministri në detyrë i Financave, Besim Beqaj, ka thënë se pagat nuk rrezikohen as në muajin janar e as në muajin shkurt të vitit 2015.

Ai ka thënë se nuk po rrezikohet stabiliteti financiar, përkundër gjendjes politike.

“Kemi stabilitet, nuk rrezikohen pagat as për vitin e ardhshëm. Kjo është e rregulluar shumë mirë me ligje”, ka thënë Beqaj në “Zona B”.

“Në asnjë rrethanë nuk kemi rrezik të aktiviteteve të planifikuara sepse kemi një performancë të mirë”, ka thënë ai.