Matoshi: AKR në Kamenicë, faktor i rëndësishëm politik

Gjilan – AKR e Kamenicës i kërkon Presidentit dhe strukturave të larta të partisë që sa më parë të fillojnë ristrukturimin e partisë dhe të dalin me analizën për rezultatin e dobët në zgjedhjet e 8 qershorit 2014. Përgjegjësia për këtë rezultat është konstatuar se është pikërisht e strukturës udhëheqëse të partisë. Dega e AKR në Kamenicë është e gatshme për zgjedhjet eventuale në Kosovë si pasojë e dështimit të partive politike shqiptare për të konstituuar Kuvendin e ri dhe për të zgjedhur Qeverinë e re të Republikës së Kosovës thuhet në njoftimin e degës së AKR-së me seli në Kamenicë.

Dega e AKR-së në Kamenicë në një takim të kryesisë së saj, të udhëhequr nga kryetari i degës Fatmir Matoshi i ka dhënë mbështetje koalicionit qeverisës në nivel lokal dhe ka vlerësuar përkushtimin e strukturave komunale e në veçanti të përfaqësuesve të AKR-së në pushtetin lokal.

AKR vlerëson se përkundër situatës politike dhe mosfunksionimit të Parlamentit e Qeverisë së re të Kosovës, komuna ka filluar të realizoj projekte të ndryshme në të mirë të qytetarëve të Kamenicës, raporton rajonipress.

Në shumë lokalitete të Kamenicës ka filluar asfaltimi i rrugëve lokale ndërsa është shtuar efikasiteti dhe përgjegjësia në punë e administratës komunale.

Dega e AKR-së ka vazhduar së ushtruari funksionet e saj dhe në vazhdimësi ka qenë në kontakt dhe takime me qytetarët e Kamenicës dhe me votuesit e saj.

AKR e Kamenicës i kërkon Presidentit dhe strukturave të larta të partisë që sa më parë të fillojnë ristrukturimin e partisë dhe të dalin me analizën për rezultatin e dobët në zgjedhjet e 8 qershorit 2014. “Përgjegjësia për këtë rezultat është konstatuar se është pikërisht e strukturës udhëheqëse të partisë. Dega e AKR në Kamenicë është e gatshme për zgjedhjet eventuale në Kosovë si pasojë e dështimit të partive politike shqiptare për të konstituuar Kuvendin e ri dhe për të zgjedhur Qeverinë e re të Republikës së Kosovës” thuhet në njoftimin e degës së AKR-së me seli në Kamenicë./rajonipress/