Parlamenti Studentor kërkon “ndihmë” nga Ministria për rektorin

Parlamenti Studentor i Universitetit të Prishtinës, ndonëse ende nuk ka marrë përgjigje nga Agjencia Antikorrupsion në lidhje me ligjshmërinë e përzgjedhjes së rektorit të ri, Ramadan Zejnullahu, të enjten i është drejtuar me një letër publike edhe Ministrisë së Arsimit, në lidhje me këtë çështje.

Në këtë letër thuhet: “Parlamenti duke vlerësuar gjendjen në UP dhe mosndërmarrjen e hapave nga Këshilli Drejtues, i drejtohemi me letër të hapur Ministrisë së Arsimit, gjegjësisht ministrit, Ramë Buja, që në bazë të kompetencave ligjore, të ndërmarrë hapa konkretë dhe të shpejtë që i përgjigjen kërkesës së Parlamentit Studentor të UP-së, duke mos reflektuar politikisht në këtë çështje”.

Aty sqarohet se Parlamenti Studentor konteston zgjedhjen e rektorit të ri të UP-së, “për shkak të instalimit të standardit të dyfishtë nga Këshilli Drejtues i UP-së në raport me revistat ‘fiktive’”… (“Koha Ditore”)