Shqipëria llogarit në Avdijajn

Kombëtarja shqiptare llogarit në Dionis Avdijajn. Talenti i Schalkes është në planet e përzgjedhësit, Gianni De Biasi, i cili shpreson që të mos e ketë një përsëritje të rastit të Adnan Januzajt, me futbollistin kosovar, i cili luan me sukses në ekipin e të rinjve të Schalkes.

“Uroj që të mos përsëritet rasti i Januzajt dhe gjasat tregojnë se nuk jemi në atë rrugë. Pikë së pari, ndryshe nga Januzaj, kam arritur të kontaktoj direkt me babanë e Dionisit dhe kam folur qartë me të. Nuk e di nëse më ka kuptuar apo jo, por personalisht di të them se kam qenë shumë i qartë me të”, tregon trajneri italian në një intervistë për “Panorama”.

Avdijaj është një talent i padiskutueshëm, ndërsa ka realizuar 44 gola nga 25 ndeshje me ekipin U-17 të Schalkes.