Berisha humb nga Juventusi

Besart Berisha ka qenë edhe njëherë në qendër të vëmendjes në Australi.

Ylli kosovar, i cili luan tek skuadra australiane Melbourne Victory, ka luajtur në ndeshjen e yjeve nga kampionatin australian kundër kampionëve të Italisë, Juventus. Ish-anëtari i Kombëtares së Shqipërisë, ka filluar ndeshjen nga minuta e parë si tandem në sulm së bashku me legjendën Alessandro Del Piero, ndërsa në fund ndeshja përfundoi 3:2 në të mirë të Juventusit.

Besarti pati një rast ideal për të shënuar gol, por Buffon intervenoi për mrekulli për t’ia mohuar golin. Në fund Berisha së Bashku me Del Pieron, ia kanë bërë një dhuratë Enis Fetahut dhe këngëtarit Gena, duke ia nënshkruar një fanellë të tyre.