Hetemaj huazohet te Monza

Mesfushori i Honkas dhe Përfaqësueses së Kosovës, Mehmet Hetemaj është huazuar tek Monza, skuadër kjo që garon në ligën e katërt të Italisë. Hetemaj është huazuar nga Albinoleffe. Nga kjo skuadër ai luajti i huazuar për një vit te Honka e elitës së futbollit finlandez, nga e cila tashmë u largua. Ai luajti nën urdhrat e trajnerit kosovar, Shefki Kuqi.

Hetemaj ishte pjesë e Përfaqësueses së Kosovës në miqësoren e zhvilluar ndaj Turqisë, e cila i la shije të hidhur për shkak të humbjes 6:1. Në ndeshjen ndaj Senegalit mungoi shkaku i obligimeve me skuadrën e vet.

Mehmeti është vëllai i Përparim Hetemajt, që luan tek Chievo e Series A. Dy vjet më parë, Mehmet Hetemaj lunte me sukses tek Albinoleffe, por largimi i kësaj skuadre në një kategori më poshtë, bëri që edhe mesfushori nga Skenderaj të kërkojë skuadër tjetër në formë huazimi.