Rapsodi për çorodi

-I- Më ka lodhë, m’ ka tretë vetmia, M’ sillet mendja , m’ sillet shpija …Nuk më zihet veni – ven, Malli të qetë nuk më len !

Dal n’ qytet për me u shëtitë –
Sado pak , mos me u mërzitë !
Ndoshta gjejë ndo ‘i shok për vete –
Të qajmë halle , të bëjmë derte !

E marr rrugën sheshit përpjetë –
Nuk di kush me t’ përshëndetë !
Takoj njerëz , shikoj pallate –
M’ parashtrojnë pyetje bajate !…

M’ provokojnë e bëjnë hajgare –
A po t’ çojnë fëmijët pare ?!
Njëri m’ thotë :”Mirë koke veshë !”
Tjetri anash nisë me qeshë !
Njeri m’ thotë : “Mirë koke rrua !”
Tjetri m’ thotë :”Pse nuk je rrua ?”
Njëri m’ thotë :” Hiq nuk je plakë !”
Tjetri m’ thotë : “Koke rrokatë !”

Njëri më ngritë tension –
A ke dalë në pension ?
Tjetri m’ pyet : “Sa vjet i bane –
Po e mbanë veten pa behane ?!”

II .
Shkoj n’ hotel me pi një kafe –
Sa t’ i ndërroj me shokë , ca llafe !
Në hotel shkoj për freskime –
Aty lindin provokime !…

Njerëzit tanë kanë bërë përvojë –
S’ lanë njeri pa e marrë për gojë !
Flasin t’ madhe , qesin me gishta –
Nuk lanë njeri pa i ngjitë bishta !…

Njeri t’ mirë , n’ dynja nuk lanë –
Ky nuk banë , as ai nuk banë !

Ulu këtu , ulu atje –
Mos rri me këte , mos rri me ate !
-Ky hajduk e ai kopuk –
Rrinë gjithë ditën në kolltuk !
– Ky besëprerë e ai mezhnun ,
Ky tradhtarë e ai spiun !

-Ky haxhi , ai dilenxhi –
Nuk lanë vend kund hunët pa i shti !
Ky zilam , ai zibidi –
Ky nuk di , as ai nuk di !
Ky ka frikë , ai s’ ka taktikë –
S’ marrin vesh në politikë !
Kështu bëjnë dert Munishi e Muja –
Hanë bukë t’ vet – bajnë gajle t’ huaja !

N’ muhabete sy me sy –
Ma t’ mirët mbesim ne të dy !
Por , kur t’ nisem me u largua –
T’ njëjtat fjalë i flet për mua !

III .
Kështu n’ hotel dita kalon –
Celulari nisë cingëron !

E hapë thirrjen me tamam –
“N’ mujshë me ditë – thotë – se kush jam ?!”
-Prezantohu more zotëri ,
Se kush je, unë , nuk po e di !

Mos hup kohë, me m’ lodhë me moh –
Pasha besën , nuk po t’ njoh !
-Për me m’ bindë , ti mos pandeh ,
Po çuditëm , si s’ po m’ njeh ?!
-Pse , more burrë , po hup kot kohë ,
Nuk po t’ njoh , se nuk po t’ shoh !
-Pse more burrë , pashë babën Sheh ,
As s’ po m’ njeh , as nuk po m’ sheh ?!

Provokime dhe mesele –
Der’ t’ harxhohet një kartele !
Nga këto sjellje – t’ kapë skleroza ,
Me doemos , të kapë neuroza !
Shkon te shpija , bien në shtrat –
Nuk mund banë as gjumë rehat !

Gjilan, më 10.06. 2014. Demir Krasniqi