Zjarrfikësve të Kamenicës u del punë edhe në territorin e Serbisë

Kamenicë – Shërbimi i zjarrfikësve në Kamenicë të dielën deri në orët e vona të mbrëmjes ka mundësuar fikjen e zjarrit, i cili sa kishte dalur në territor të Republikës së Kosovës afër vendit “Quka” në Karaçevë, por më shumë ky shërbim pati nevojë ta fikte zjarrin edhe në territor të komunës së Bujanocit të Republikës së Serbisë, afër fshatit Breznicë, fshat ky i banuar me shqiptarë.

Ish kreu i Kamenicës Shaip Surdulli ka falënderuar zjarrfikësit dhe komandantin Riza Bunjakun, i cili sapo është informuar për këtë zjarr e ka angazhuar ekipin në përbërje prej: Mefail Klaiqi, Shukri Sinani, Besian Isufi, Endrit Keqmezi, të cilët bashkë me Shaban Bernjashin ia arritën qëllimit ka shkruar Surdulli./rajonipress/